Sveinung Rotevatn er fyrste nestleiar i Venstre og stortingsrepresentant for Hordaland. Sveinung var Klima- og miljøminister i Erna Solbergs blågrønne regjering (2019-2021). Sveinung er tidlegare stortingsrepresentant for Sogn og Fjordane. Han er fødd i 1987, kjem frå Nordfjordeid og har tidlegare vore leiar i Unge Venstre frå 2010 til 2013. Han har også vore vald inn i Eid kommunestyre. Sveinung er Hordaland sin førstekandidat ved årets stortingsval.
Fridom
Rotevatn har markert seg som ein tydeleg forkjempar for liberale rettar, og er oppteken av ideologi.
– Eg stiller til val for Venstre fordi eg meiner Noreg treng politikarar som tek enkeltmennesket si side i kampen mot systemet. Politikarar som vil la vanlege folk vere litt meir i fred. Eg trur på eit mangfaldig samfunn, der vi alle får fridom til å finne vår eigen veg til det gode liv, seier Rotevatn.
Sats på kunnskap
Venstre vil ha ein skule for kunnskap og like moglegheiter. Det krev fagleg sterke lærarar og elevar som får tillit til å meistre. Borna våre fortener ein god skule, difor satsar Venstre på læraren.
Ta grøne val
Klimakrisa kan løysast. I dag tek vi val som får konsekvensar for våre born og barneborn. Ambisiøs miljøpolitikk handlar om omsorg for folk vi er glade i. Venstre vil gjere det enkelt og lønsamt for deg å leve miljøvenleg.
Sveinung Rotevatn er særleg engasjert i miljøpolitikk, personvern, utdanning og internasjonalt samarbeid.
Meir om Sveinung
Sikre kjelder i Venstre
«Sikre kilder i Venstre» er podkasten der Sveinung, saman med Ingvild og Kristin tek deg med bak kulissane i Venstre og norsk politikk. Med skarp analyse, god humor og spanande gjestar gir dei eit unikt innblikk i dei store (og litt mindre) sakene som formar Noreg – frå klimakamp til liberale verdiar. Her får du innsikt, diskusjon og kanskje nokre overraskingar undervegs. Ein podkast for deg som vil forstå meir av både politikk og spelet bak.
Eksterne podkaster og lenker
Minervapodden: Sveinung Rotevatn – Ser vi en glideflukt fra det grønne skiftet? (Minerva, februar 2025)
Svinung i samtale med Nils August Andresen i Minervapodden om nasjonal og internasjonal klimapolitikk.
Krisemøter (Kyrre Holm Tønne Johannessen, februar 2025)
Sveinung Rotevatn er gjest i Krisemøter. Han deler si glede over kor mykje artigare det plutseleg har blitt å sitje på Stortinget, ser fram til hausten med visse forventningar, og reflekterer over ei nyleg overstått trettiårskrise – medan førtiårsvarianten allereie lurar i horisonten.
Fordomspodden (Moderne media, februar 2025)
Synest Sveinung Rotevatn at Kevin Costners rolle i Danser med ulvar er den råaste skodespelarprestasjonen nokosinne? Har han sykla Rallarvegen? Og hoppa han nokon gong på airfryer-bølgja? Svar og fleire fordommar vert avslørte i denne episoden!
Portrettintervju med Sveinung i NRK P2s Politisk portrett (NRK, august 2017)
Politisk portrett med Sveinung Rotevatn, 3. august 2017