Laurdag 19. november var det nominasjonsmøte i Vestland Venstre der vallista til fylkestingsvalet 2023 vart bestemt.
Som venta vart Åsta Årøen samrøystes vald som førstekandidat og med det Vestland Venstre sin fylkesordførarkandidat.
Jacob Nødseth var innstilt på andreplassen av ei samrøystes nominasjonsnemnd. Atle Hamar stilte som motkandidat, og voteringa enda 60-29 i Jacob sin favør.
Også på tredjeplassen var det kampvotering, mellom Camilla Berg Larsen og Marius Hellan Hindenes, som Hindenes vann.
Lista har 71 navn, der også Hilmar Eliasson, Elisabeth Norman Leversund og Klaus Iversen er å finne, og topp 10 ser slik ut:
| 1. | Åsta Årøen | Bergen |
| 2. | Jacob Nødseth | Kinn |
| 3. | Marius Hellan Hindenes | Unge Venstre/Alver |
| 4. | Camilla Berg Larsen | Stord |
| 5. | Atle Hamar | Sunnfjord |
| 6. | Torstein Tvinnereim | Stryn |
| 7. | Astrid Knutsen Hårstad | Bergen |
| 8. | Jens Håkon Birkeland | Voss/Unge Venstre |
| 9. | Helle Frogner | Stad |
| 10. | Bram Timmermans | Bjørnafjorden |