Regjeringa flyttar grensa for iskantsona sørover

Regjeringa foreslår å flytta grensa for petroleumverksemd i Barentshavet sørover, til område det i gjennomsnitt finns havis 15 prosent av dagane i april månad. Det er denne grensa som no får mest merksemd i forvaltningsplanen.

Sårbar natur

– Det er heller ikkje rart. Iskantsona skal verne eit av dei mest sårbare områda i verda. Det er heimen til unike dyrearter som lever i heilt spesielle tilhøve, seier Rotevatn.

– Vi snakkar om algar og plankton, fugl og fisk, sel og isbjørn, i eit økosystem som lever i ein delikat balanse. Vi har hatt som mål å flytta iskantsona sørover. Det har vi klart. Det er ein siger. For miljøet, klimaet, regjeringa og Venstre, seier Rotevatn.

Les: Derfor er «iskanten» så viktig.

Sterkare vern i Barentshavet

Det er grundig arbeid som ligg bak forvaltningsplanen. Det er eit viktig dokument som set rammer for menneskeleg aktivitet av omsyn til naturen. Planen legg rammene for berekraftig havøkonomi med fiskeri, skipsfart og petroleumverksemd, samstundes som Noreg tek omsyn til miljøet i havområda.

– Det er eit svært område på 56.539 kvadratkilometer får no sterkare vern. På det meste går grensa 134 kilometer lengre sør.

– Dette er ei klar og tydeleg grense som ikkje opnar for unntak. Det blir ikkje oljeaktivitet nord for denne grensa. Tidlegare regjeringer har flytta grensa for oljeboring nordover. På vår vakt flyttar vi grensa sørover, understrekar Rotevatn.

Kampen for klimaet held fram

Klimaendringane gjer at iskantsona og artane som finns der vert meir sårbare. Auka utslepp er ei utfordring for verda og Barentshavet.

– Klimagassutsleppa skal ned og vi skal stanse endringane i klimaet. Tidlegare i år fekk Venstre gjennomslag for eit nytt og forsterka klimamål for Noreg. Vi skal halvere utsleppa dei neste ti åra, og vi er godt i gang med det arbeidet, avsluttar Rotevatn.

Les: 1.11.2019: Laveste klimagassutslipp siden 1995.