På Søre Sunnmøre er det stort behov for betre kollektivtilbod mellom indre og ytre.
Det er mange grunnar til at bilen vil vere det berande framkomstmiddel for å kome seg på jobb mellom dei ulike stadane, men Venstre vil gjere det meir attraktivt å bruke buss. Svært mange har jobbreisa si mellom til dømes, Ørsta, Volda og Ulsteinvik, men busstilbodet er ikkje godt nok. Tilgjenge og frekvens må bli mykje betre enn i dag.
I “bompengeavtalen” mellom dei fire regjeringspartia fekk Venstre gjennomslag for auka kollektivsatsing. Ikkje berre i dei store byane, men elles i landet også. Dette må og skal også vårt område nytte oss av. Ørsta Venstre tok opp dette med vår fylkesordførerkandidat Pål Farstad då han var med oss i Ørsta sist laurdag, og vi er samde om å legge trykk både på fylkeskommunen og Venstre sentralt for å auke kollektivbruken også i vårt område.
Å få Timeekspressen til å gå ei ytre rute om Ulstein og Hareid i tillegg til dagens rute langs Vartdalsstranda må på plass.
Gunnar Knutsen
Ørsta Venstre