Stad skal vere ein kommune der det er godt å vekse opp for born og unge. Venstre vil halde fram og styrke satsinga på kvalitet i skulen, og løfte ungdommen sterkare fram.
Stad Venstre vil:
- Prioritere kvalitet i skulen. Auke ressursane til lærartimar på skulane
- Legge til rette for etter- og vidareutdanning av fleire lærarar
- Behalde og vidareutvikle dagens skulestruktur
- Sikre naudsynt oppgradring/utbygging av skulebygg, barnehagar og andre kommunale bygg
- Innføre prøveordningar for skulemat og jobbe for at kosthald og matlaging skal vere ein viktig del av undervisninga i skulen
- Ha auka samarbeid mellom skule og næringsliv, mellom anna ved å satse på entreprenørskap gjennom heile skuleløpet
- Satse på tidleg innsats, både i barnehage og skule, for born som treng ekstra støtte og sikre nok spesialpedagogiske ressursar
- Ha fysisk aktivitet ein time for dagen, integrert i undervisninga i skulen
- Legge til rette for auka pedagogisk bruk av naturen og uteområde i barnehage og skule
- Sikre eit breitt barnehagetilbod med god bemanning. Ha fleire fagarbeidarar som assistentar, og ha høg pedagogtettleik
- Ha sterke, gode offentlege skular og barnehagar som basis i tenestetilbodet til born og unge. Samtidig er vi positive til supplerende tilbod, både i privat og ideell regi, i godt samspel med dei offentlege tilboda
- Sikre gode oppvekstvilkår til barn i familiar med låg inntekt, gjennom til dømes gratis kollektivtransport, fritidskort, støttekontakt-ordning og leksehjelp
- Vere ein god vertskommune for skular, studentar og hybelbuarar
- Legge til rette for fleire gode møteplassar for ungdom
- Styrke ordninga med helsestasjon for ungdom
- Opprette fleire kommunale lærlingeplassar
- Legge til rette for fleire sommarjobbar for ungdom gjennom samarbeid næringsliv/kommune
- Innføre røysterett for 16-åringar og gje Ungdomsrådet auka medverknad og talerett i kommunestyret
- Krevje betre kollektivtilbud i heile Stad kommune, mellom anna for å legge til rette for at ungdom som bur på hybel kan delta på fritidsaktiviteter på eigen heimstad
- Innføre ein plan for LHBTI-personar på lik line med dei større byane, slik at også skeive ungdommar og andre kan kjenne seg heime i distriktet
- Halde på og vidareutvikle ordninga «Heim for ein 50-lapp»
**OBS! Denne artikkelen ble første gang publisert for 5 år siden.**