Stad kommune skal vere ein stad med allsidige og spennande kulturtilbod og fritidsaktivitetar for alle. Stad Venstre vil jobbe for å styrke dei frivillige organisasjonane og få endå fleire aktive innanfor kultur- og organisasjonslivet. Idrett og friluftsliv er viktig for samhald, inkludering, meistring og folkehelse. Vi må også løfte arbeidet med ivaretaking og formidling av kulturminne.
Stad Venstre vil:
- Ha fritidskort som gjev alle born og ungdomar tilbod om minst éin fritidsaktivitet
- Legge til rette for utlån av utstyr til fritidsaktivitetar ved å gjere BUA tilgjengeleg for alle i Stad kommune. Få på plass ei ordning der også næringsliv kan sponse innkjøp av utstyr til utlån
- Legge til rette for gode anlegg for idretts- og kulturaktivitetar
- Redusere halleiga for idretten og prisane i kulturskulen
- Få fleire aktive ute i friluft gjennom turstiar, naturmøteplassar og friluftsanlegg
- Legge til rette for leik og uorganisert aktivitet gjennom t.d. ballbingar, klatrestativ og hinderløyper
- At Stad kommune skal vere med å legge til rette for utbygging av nærmiljøanlegg rundt skulane, i samarbeid med bygdelag og idrettslag
- Legge til rette for at frivillig sektor får ressursar og støtte i arbeidet med inkludering og førebygging av utanforskap
- Styrke Frivilligsentralane i Eid og Selje for å kunne støtte opp om dei frivillige organisasjonane og betre samspelet mellom frivillig, privat og offentleg sektor
- Starte ei prøveordning med søndagsope bibliotek
- Styrke kulturskuletilbodet og tilbodet innan dans, musikk og visuell kunst
- Jobbe for auka næringsutvikling knytt til kunst og kultur
- Styrke lokalsamfunna og attraktiviteten til Stad kommune gjennom nært samarbeid med Malakoff og andre festivalar og kulturopplevingar
- Legge betre til rette for frivillige lag og organisasjonar – særleg for born og unge
- Bygge fleirbrukshall i Selje, for å betre tilbodet til born og unge i ytre del av Stad kommune
- Få opp ei lokaliseringssak for fotballhall på Nordfjordeid i samarbeid med Eid IL Fotball som trinn 1, der ein ser på korleis ein kan få til ei plassering som vil gje høgast samla nytteverdi for eit slikt framtidig anlegg
**OBS! Denne artikkelen ble første gang publisert for 5 år siden.**