Av formelle årsakar skjer den endelige samanslåinga til Vestland Venstre først i 2020. Delar av samlinga på Skei vart difor gjennomført som separate møte for fylkespartia i Hordaland og Sogn og Fjordane, men det meste av møtetida vart nytta i fellesskap.
Samlinga på Skei bar preg av at lokal- og fylkeslaga i begge «gamlefylka» er klare for å gå i samarbeid i det nye Vestland Venstre. Det var gode politiske diskusjonar, høgt engasjement og god tone i møtesalen.
Fram til samanslåinga er ein realitet, blir arbeidet i Vestland Venstre leia av eit interimsstyre med Alfred Bjørlo som leiar. Trude Risnes frå Leikanger er og med i interimsstyret.
I tillegg til vanlege årsmøtesaker vart det fatta likelydande vedtak i Hordaland og Sogn og Fjordane om samanslåing frå 2020. På sakskartet sto også felles valprogram, valkampplan og fråsegner.
Vestland Venstre vedtok tre fråsegner:
Ta vare på folk på flukt
Bygg sterke regionar med desentraliserte tenester og fagmiljø!
KAF er kult
—
Are Kvistad, leiar i Sogndal Venstre