– Tinn og Telemark Venstre har fått gjennomslag for ei rekkje viktige saker på Venstres landsmøte i helga. Me har fått på plass ein sterkare og meir offensiv distriktspolitikk. Det er ekstra viktig no når Venstre har blitt regjeringsparti, seier lokallagsleiar og politisk nestleiar i Telemark Marius Skeie.
På venstre side sitter Marius Skeie (Telemark), Geir Mjøen (Porsgrunn), Solfrid Rui Slettebakken (Telemark) og på høyre side sitter Ingrid Åmlid (Telemark Unge Venstre), Torgeir Fossli (Telemark) og Haakon Wærstad (Skien)
Skeie har vore delegat og var delegasjonsleiar på fyrste dagen. Venstres landsmøte har vedteke politikk på fleire område som er viktige for Venstre: Skule, kultur, miljø og klima, inkludering og sosialpolitikk. Landsmøtet vedtok også ei eiga fråsegn om distrikts- og regionalpolitikk: https://www.venstre.no/artikkel/2018/04/15/loft-for-heile-landet/
Skeie trekkjer fram følgjande andre saker som særleg viktige gjennomslag for Telemark Venstre på landsmøtet:
– Nasjonal Transportplans vedtak om høgfartsbanar må fylgjes opp.
– Ja til utjamning av nettleige
– Vidare trykk på utflytting av statlege arbeidsplassar
– Styrking av senter-satsing også i distrikta
– Merkur-ordninga skal halde fram (for å sikre butikkar i distrikta)
– Me seier nei til legalisering av narkotika (det var forslaget frå i Tinn (og då Telemark) som vant voteringa om dette).
– Evaluere konsolideringsordninga for musea og finansieringa av undermusea i Norge.
– Ha ei opptrapping av arbeidet med den immaterielle kulturarven
– Etablere forbod mot norsk produksjon og bruk av mikroplast i kosmetikk og kroppspleieprodukt.
Skeie ser òg fram til eit godt samarbeid med Vestfold framover der me saman skal arbeide for det grøne skiftet i regionen vår. Stemninga i båe delegasjonane var høg!
Heile fråsegna om distrikts- og regionalpolitikk kan lesast her
Andre vedtekne fråsegner finn du her
Kontaktinformasjon:
Marius Skeie, leiar i Tinn Venstre, mobiltlf 952 759 24.