Det seier gruppeleiar for Venstre i Fylkestinget, Gunhild Berge Stang. Venstre foreslo i Fylkestinget i dag å løfte Sogn jord- og hagebruksskule inn i den samla satsinga på landbruk i Verdiskapingsplanen for Sogn og Fjordane. Framlegget frå Venstre vart samrøystes vedteke av Fylkestinget.
– Sogn jord- og hagebruksskule er eit unikt nasjonalt kompetansemiljø på økologisk landbruk. Skulen driv også eit omfattande utviklingsarbeid. Venstre meiner satsing på økologisk landbruk sikrar ei berekraftig utvikling av landbruket og matproduksjonen i Norge. Både fordi økologisk landbruk er viktig i seg sjølv, og óg fordi økologisk landbruk er viktig for å «skubbe» det konvensjonelle landbruket i ei heilt nødvendig retning. Det er difor viktig å løfte fram potensialet Sogn Jord- og hagebruksskule har for å utvikle landbruksnæringa også i Sogn og Fjordane, seier Venstre sin gruppeleiar i Fylkestinget Gunhild Berge Stang.