Marit Mjellem og Johnny Haugsbakk fekk heider og takk for godt arbeid gjennom fleire år då Fjaler kommunestyret måndag avvikla siste ordinære møtet før valet den 14. september.
Johnny Haugsbakk vart første gong vald inn i kommunestyret for Venstre i 2003. Etter tre periodar og til saman 12 år, meiner han det no må vere lov å gi seg – og sleppe nye krefter til.
Marit Mjellem stilte første gong til val for Venstre i 2007 – og vart då 1. varamedlem til kommunestyret der ho møtte ofte. Etter valet i 2011 vart det fast plass i Venstre-gruppa. Ho sa også ja til utfordringa om å representere Venstre i formannskapet den siste perioden. Det er dermed to røynde lokalpolitikarar som no seier takk for seg i kommunestyret. Men begge lovar å framleis engasjere seg i Fjaler Venstre når vktige saker dukkar opp.
**OBS! Denne artikkelen ble første gang publisert for 9 år siden.**