Venstre vil ha rask realisering av Atløysambandet!

Fotograf Vidar Helle

Nyleg har vi lese om ferjeutfordringane på ferja mellom Askvoll og Atløy. Dette har skapt stor frustrasjon og mykje fortviling for dei som får kvardagen sin prega av utfordringane. Slike vanskar som vi nyleg har opplevd blir ekstra meiningslause og frustrerande når ein veit at alternativet er eit lønsamt brusamband som burde vore realisert for lenge sidan. Den beste løysinga for folket på Atløy er og blir ei rask realisering av Atløysambandet.

**OBS! Denne artikkelen ble første gang publisert for 9 år siden.**

Publisert av Sogn og Fjordane Venstre

Askvoll Venstre har alltid prioritert dette sambandet på topp, og Sogn og Fjordane Venstre har heile tida stått på for sambandet i dei fylkeskommunale prioriteringane. Partiet har saman med eigne stortingsrepresentantar jobba for å få til den finansieringsmodellen som no er vedteken av regjeringa og Venstre og Krf som samarbeidsparti. No er det viktig å syte for at prosjektet får gjennomslag i fylkestinget. Å syte for ein sterk venstrerepresentasjon i fylkestinget etter valet vil gjere realiseringa lettare. Det er difor viktig at veljarane no gjev oss dette mandatet!

 

 

Gunhild Berge Stang

Fylkesordførarkandidat, Sogn og fjordane Venstre

 

**OBS! Denne artikkelen ble første gang publisert for 9 år siden.**