Voss kommune har i fleire år låge under Kommunenes Sentralforbund sitt normtal for talet på inngåtte lærekontraktar. Behovet nasjonalt for fleire fagarbeidarar er venta å vera aukande i åra framover. Også på Voss er det trong for kompetente fagarbeidarar innan mange sektorar, til dømes helse, omsorg, barnehage, bygg- og anleggsbransjen og så vidare. I tillegg er det trong for store, seriøse aktørar som kan vera med å utvikla morgondagens fagarbeidarar. Kommunane har i så måte ei viktig rolle!
Dessverre har utviklinga dei siste åra peika i feil retning for Voss(sjå saksframlegg frå HFK ved å følgja linken).
Venstre meiner difor Voss kommune bør trappa opp inntaket av lærlingar i kommunal regi dei neste åra, og sørgja for gode lærings- og utviklingsvilkår for morgondagens fagarbeidarar. Kostnaden for dette er liten, og vinsten med gode, kompetente og trygge fagarbeidarar er stor!
Venstre vil difor spørja ordføraren om følgjande:
- Er ordføraren einig i at me bør trappa opp satsinga på lærlingar i Voss kommune?
- Kva tiltak ser ordføraren føre seg på kort og lengre sikt for å satsa på lærlingar og fagarbeidarar i Voss kommune?
Med venleg helsing
Jorunn Ytrefjord Knut Olav Røssland Nestås
Voss Venstre
Kjelde:
Hordaland Fylkeskommune – http://einnsyn.hfk.no/eInnsyn/DmbHandling/ShowDmbHandlingDocument?dmbId=2788&caseType=CasesFremlegg®istryEntryId=68823