Bygdanytt har snakka med dei to bystyrepolitikarane Atle Fasteland (H) og Geir Dale (Ap), samt Kjell-Andrè Johannessen (V). Dei vart alle overraska og skuffa over nyheita om at Vegvesenet grunna feilteljing av trafikkmengda har skrinlagt arbeidet med ny E16 mellom Vågsbotn og Arna.
Frustrert
– Ein blir frustrert når ein høyrer om denne konklusjonen. Tala deira er nok riktige, men eg meiner dei ikkje tek omsyn til framtida. Når rushtidsavgifta kjem i Bergen, vil truleg mange køyra om Arna. Dei i Åsane køyrer nok heller ti minutt lenger via Arna, i staden for å betala i dyre dommar andre vegen, seier Johannessen.
– Med så mange dødsulukker på vegen kan eg ikkje forstå at det ikkje er ei god investering med midtdelar. Kvart liv som vert tapt i trafikken er eit stort tap. Om det ikkje blir bygd ny veg, er ei oppgradering med midtdelar eit minimumskrav, slår han fast.
Må halda trykket
Nestleiaren i samferdsleutvalet i Hordaland, Alf-Helge Greaker (V), seier det no er viktig å halda trykket oppe for å få realisert Ringveg Aust og avklara byggestart i neste rullering av Norsk Transportplan (NTP). I NTP for 2014-2023 var E16 Arna-Vågsbotn prioritert med 120 millionar kroner i perioden 2014-2017 og 350 millionar kroner i perioden 2018-2023.
– Desse pengane er avsette til Arna-Vågsbotn og må ikkje hamna i eit «stort sluk», men prioriterast til same område, Åsane- Arna og Ringveg Aust, seier Greaker.
Les heila saka på www.bygdanytt.no