Då formannsskapet diskuterte kommunebudsjettet for 2015, kom diskusjonen inn på regjeringas forslag til å kutta stønaden til barnehageborn på asylmottak.
Fell denne finansieringa vekk frå sentralt hald, kan det medføra at Heiane Mottaksbarnehage må leggast ned. Det er noko me ikkje ønskjer. Og politikarane er samde i at om ein skulle koma opp i ein slik situasjon så ønskjer ein å finna desse kronene gjennom kommunebudsjettet. Det er ikkje snakk om mangen born, men for dei det er snakk om har det veldig mykje å seie.
Born i barnehage er som språklege svampar. Så om dei skal vera her lenge eller midlertidig så får dei noko med seg vidare. Og integreringsprosessen kan starta.
Stord Venstre er klåre på at me ønskjer at denne finansieringa skal haldast ved like. Men først og fremst håpar me at dei borgarlege partia på Stortinget finn saman om eit budsjett, og sørgjar for at denne posten kjem inn att på statsbudsjettet.