Vi veit at Møre og Romsdal fylke i samarbeid med andre vestlandsfylke jobbar for at det skal vere mogeleg å køyre heile Vestlandet (E 39) med elbil. Difor etablerer fylket hurtigladepunkt i Volda, Ålesund og Molde. Miljøutvalet har ei målsetting om at ingen i fylket skal bu meir enn 5 mil frå ein hurtigladar innan 2020. Utvalet går også inn for at det vert arbeidd for at det vert bygd ut normalladarar (vanlege straumkontakter) ved offentlege bygg og ved kollektivknutepunkt. Desse målsettingane er ikkje ambisiøse. Møre og Romsdal bør leggje seg på same målsetting som Hordaland. Dei vil at minst 20 prosent av offentlege parkeringsplassar skal ha ladepunkt innan 2020.
I tillegg til at fylkeskommunen engasjerer seg, må kvar einskild kommune på banen og i samarbeid med næringslivet få etablert hurtigladepunkt/semiladepunkt.