– Det er bra at Kristin Halvorsen no snur og held fast på gjeldane eksamensform og karakterar i nynorsk. Det sikrar framleis språkleg mangfald og rikdom i landet vårt, seier stortingskandidat for Venstre, Sveinung Rotevatn.
– Det er dessutan dokumentert at det å skrive både nynorsk og bokmål styrkar språkkompetansen, seier Rotevatn og syner til ei undersøking frå NTNU.
– At ein held fram med testing og vurdering i sidemål gjer at alle i Noreg får eit godt grunnlag for å meistre begge målformer. Det gir reell språkleg valfridom for alle, og er ikkje minst viktig for nynorskbrukarane. Som mindretal er vi heilt avhengige av at også fleirtalet meistrar nynorsk, seier Rotevatn.
Dette står i Venstre sitt stortingsprogram 2013 -2017:
Sidemålsopplæring skal framleis vere ein del av norskfaget og Venstre vil behalde eigen karakter i sidemål
Venstre vil at sidemål i større grad skal integrerast andre skulefag enn norskfaget, slik at elevane blir eksponert for båe målformer gjennom heile skulegangen
Venstre vil også å innføre sidemålsundervising tidlegare i utdanningsløpet enn på ungdomstrinnet