Medan dei andre partia meinar Jernbaneverket sjølv må setje av midlar til plan og grunn, prioriterar Venstre midler til dette i alternativ nasjonal transportplan.
- Det er bra at dei andre partiene snakker fint om Bergensbanen, men inga av desse set av penger til naudsam planlegging og kjøp av grunn der Ringeriksbanen skal kome, seier nestleiar Terje Breivik til Bergens Tidende.
– Ein får mykje att
Overfor avisa Hordaland utdyper Breivik jernbanesatsinga til Venstre. – Ein får mykje att for pengane ved å rusta opp jernbanen, seier Terje Breivik. – Venstre lovar tidenes jernbanelyft sidan bygginga av Bergensbanen. Vi vil bruka 35 milliardar kroner meir på samferdsle enn regjeringa sitt framlegg.
– Transportplanen vår legg opp til tidenes satsing på jernbane og ikkje minst tidenes satsing på Bergensbanen, sidan banen vart bygd. Venstre vil setja av eit par milliardar i fyrste periode, slik at ein får oppstart av Ringerikstunnelen i 2018, I tillegg matchar me regjeringa på å fullføra dobbeltspor Bergen-Arna.
– I realiteten set me i gang full opprusting av Bergensbanen i begge endar, der det er teoretisk mogeleg i første perioden, seier Terje Breivik, Venstre sin toppkandidat i Hordaland.
– Me inviterer dei andre partia til å setja av 400 millionar i fyrste perioden til dobbeltspor Arna-Voss, seier Breivik. – Venstre vil nemleg ikkje at Bergensbanesatsinga skal vera meir enn dobbeltspor Bergen-Arna og Ringeriksbanen. Dobbeltspor også mellom Arna og Voss kan auka frekvensen på lokaltoga og korta ned reisetida på heile strekkja mellom Bergen og Oslo.
– Det viktige no er at det vert sett av pengar i fyrste perioden, slik at ein kjem i gang med arbeidet, seier Breivik.
– Meir transport over på bane, både folk og gods, er vilkår for å løysa klimaproblema. Miljøet vinn på dette, samstundes som ein avlastar presset på vegane.
Les meir på papir Bergens Tidende og avisa Hordaland 18. juni.