Etter ein lang og svært kald vinter, står no endeleg sumaren for døra. Dessverre er ikkje dette ei gledes tid for alle stordabuarar. For dei med astma, allergi eller anna overkjensleg varsemd innebera sesongen me er inne i no, auka risiko for helseplager.
Gras, burot og trer er vindbestøva og gir frå seg pollen til lufta. Om dette skjer nær bustadar, barnehagar, skule, sjukehus m.m. kan det skapa allergiproblem både innandørs og for dei som går ut og inn av bygga. Dette gjeld i pollensesongen for kvar plante. Rakletrer har pollensesong frå februar/mars, (or, hassel) til eit godt stykke ute i mai (bjørk). Gras har pollensesong frå tidleg juni til ut juli. Burot blomstrar i august og september.
Det er påvist klåre psykiske og fysiske helsemessige fordelvar ved å bevega seg i eit grønt miljø. Både planter inne og utsyn til planter gjennom vindauga gir auka trivsel. Av di er det viktig at plantene som vert vald inne og i nærleiken av bygg tålast av flest muleg, og er allergivenlege. Det finnes mange allergivenlege planter, busker og tresortar som kan nyttast. I fleire andre kommunar har dei folkevalde eit aktivt forhold til denne problemstillingar, og vel konsekvent vekk «allergisinte» planter. Tiltaket er svært enkelt, og hjelper veldig mange.
Spørsmål: Har kommunen oversikt over omfanget av «allergisinte» vekstar i nærleiken av grunnskular og barnehagar i kommunen, og har kommunen noko strategi for å sikra at born med astma, allergi eller anna overkjensleg varsemd får oppleva gleda ved tilstedeværing av planter/blomar utan auka risiko for helseplager?
Spørsmålet er formulert etter inspirasjon frå bystyrerepresentant i Bergen, Idun Bortne.
Med liberal helsing,
Geir Angeltveit
Stord Venstre