Resolusjon:
Ferjefri E39
Møre og Romsdal Venstre meiner det må satsast maksimalt på å gjere E39 til ein ferjefri hovudveg mellom dei ulike områda av Vestlandet, og samtidig legge til rette for timeekspress på strekninga Stavanger — Trondheim.
E39 er og vil vere hovudferdselsåra mellom Kristiansand og Trondheim gjennom alle Vestlandsfylka. For alle Vestlandfylka vil dette vere samferdselssak nummer ein dei komande åra.
Ei vidare utvikling av denne særs viktige delen av landet vårt er heilt avhengig av eit godt utbygd vegnett.
Ein fullgod og framtidsretta E39 må i hovudsak finansierast ved statlege midlar.
Møre og Romsdal Venstre krev at arbeidet med planlegging, finansiering og gjennomføring vert forsert og høgt prioritert.
Vedatt på representantskapsmøtet i Møre og Romsdal Venstre 03.11.12