– Enno verre blir det når Direktoratet har senka kravet ned til 70%. Berekningar viser at enkelte stader i fylket vårt vil ein få ei dekningsgrad på ned mot 57%, som er det dårlegaste i landet. Vi fryktar at dette kan gå ut over liv og helse, seier ein uroleg Venstre-leiar i Sogn og Fjordane, Marit Barsnes Krogsæter.
– I Sogn og Fjordane, og store deler av landet, har vi ein særs krevjande topografi. Det er ikkje berre å ta seg nokre hundre meter over eit jorde for å få dekning. Vi snakkar om fjelltoppar og bruk av båt i krevjande vær, held Krogsæter fram. Alvoret fekk vi demonstrert under Dagmar der folk køyrde og sprang kilometervis med mobiltelefonar og andre remediar for å få kontakt med omverda!
Sogn og Fjordane Venstre krev at Faremo og regjeringa må gå minst ei runde til med leverandøren for å få ei dekningsgrad i tråd med Stortinget sin vilje!
– Leiar Sogn og Fjordane Venstre:
Marit Barsnes Krogsæter.