Mot Arbeidarpartiet og Framstegspartiet sine røyster, sikra Venstre fleirtalet for å jobbe for verdsarvstatus til smelteverket i fylkesutvalet førre veke.
– Vedtaket i fylkesutvalet er ei klar melding om støtte til fleirtalet i Odda kommunestyre, seier Venstres gruppeleiar i fylkestinget, Mona Hellesnes.
No manar Venstre til tålmod i saka. – Å løfte heile smelteverksområdet er ikkje gjort på eit år, seier ho.
Venstre i Odda og Odda kommune har lenge vore pådrivar for å bevare smelteverkstomten og gjere han til verdsarvobjekt, gjennom lokalt eiarskap med regional medverknad. Fylkeskommunen vil ikkje bli ståande som eigar av den freda tomten, men delta i realiseringa av prosjektet.
– Prosessen må drivast fram lokalt, og formelt kan kommunen stå som eigar, men likevel få hjelp frå regionale og statlege myndigheiter, seier Hellesnes.
Heile saka kan du lese i Hardanger folkeblad 18. juni. Innstillinga frå fylkesutvalet kan du lese i nettutgåva av same avis.