Energi- og klimaplanen i Voss kommune er ein grundig plan med mange mål og forslag til tiltak. Likevel har den i liten grad vorten prioritert over budsjetta. Det meiner Venstre er for dårleg.
– Eg skjønnar ikkje korleis ordføraren og dei raudgrøne forventar at me skal ha ei god måloppnåing innan planens utgang i 2013, seier Knut Olav Nestås. – Difor er eg spent på kva han har å seia. Det offentlege er jo trass alt nøkkelen her med sine prioriteringar, som fleire av føremåla er svært avhengige av.
Venstre, ved Torstein Gunnarson, vil òg spørja om korleis ein kan debattera på ein betre måte i kommunestyret. – Pr. i dag vert for få trekte med i debattar ikring interpellasjonar mellom spørsmålsstillar og ordførar. Venstre vil sjå på korleis ein kan få organisert ein betre debatt med sterkare breidde, seier Venstres gruppeleiar i kommunestyret.