Bjørn Arne Mjåseth kjem frå Atløy og er sjølvstendig næringsdrivande. Han driv daglegvarebutikk. Har vore to perioder i kommunal politikk. Ordførarkandidaten vår har stor interesse for kvaliteten på det kommunale tenestetilbodet.
Bjørn Arne sine hjartesaker:
– Kvalitet på tilbodet til innbyggjarane innan skule og pleie og omsorg. Betre læremateriell innan skule og barnehage. Meir omsorg innan eldretenesta.
– Samferdsle. Fastlandssamband til Atløy, rassikring rv. 609. Etablering av kystvegen. Ha eit godt tilbod til øyane både person og godstransport.
– Næringsutvikling – utnytte moglegheitene ved Dalsfjordbrua og Lutelandet. Sikre moglegheiter for bustadbygging for å sikre vekst i kommunen.
Askvoll Venstre:
Fridom for den einskilde og ansvar for kvarandre er grunntanken i Venstre sin sosial-liberale politikk. Det ideologiske grunnsynet vårt er tufta på demokratiet som styreform, med vekt på desentralisering, deltaking og ansvar. Venstre sine politikarar i Askvoll er innbyggjarane sine tillitsvalde.