På Venstre sitt landsmøte i april i år, fremja Suldal Venstre og Sauda Venstre eit forslag til resolusjon om det same temaet. Nina Østebø er glad for at saka no vert løfta fram og at det blir lagt press på regjeringa.
Særordninga med maksimumsverdi på eigedomsskatt kan virke som ein komplisert sak, men handlar i realiteten om rettferd og prinsippet om å skatte etter evne. Dette er prinsipp som er viktige for Venstre.
Saka handlar heller ikkje om at rike kraftkommunar skal bli endå rikare. Vertskommunane — dei aller, aller fleste distrikts,- og minsteinntektskommunar som slit med både fråflytting og evne til å gje innbyggjarane dei tenestene dei har krav på — krevjar å få sin rettmessige del av verdien som desse verka representerar.
Ordninga om maksimumsverdi var meint å vere midlertidig, då den vart innført i 2004. Den gong for å kompensere for inntekter som eigarane av vasskraftverk "tapte" som følgje av minimumsverdien som vart innført i 2001. Desse pengane har eigarane no fått igjen mange gonger som følgje av høge straumprisar.
Stortinget skal handsame saka i samband med budsjettet for 2012 og 73 ordførarar, varaordførarar og ordførarkandidatar for AP, SP og SV krev no i eit eige brev til regjeringa at ordninga vert fjerna.
Les resolusjonen i frå LVK her.
Les resolusjonen i frå Suldal Venstre og Sauda Venstre her.
Les brevet i frå ordførarar, varaordførarar og ordførarkandidatar for AP, SP og SV til regjeringa, her.