Her er appellen ho heldt:
«Kjære frammøtte.
Den 22 juli tok mange uskuldige liv brått slutt.
Mange mista livet sitt gjennom sin jobb for demokratiet vårt,
og i tillegg skjedde tragedien på Utøya der mange unge fekk sine liv avslutta. Dei som overlevde er merka for livet av hendingane på Utøya.
Ein nasjon har i ettertid vore prega av sjokk og sorg.
Dette var handlingar utført av ein einkeltperson, og representerer eit tankesett vi må ta sterk avstand frå.
Den beste måten vi kan motverke slike haldningar og handlingar er å slå ring om demokratiet og kvarandre. Vi må ikkje la redsle og frykt ta bustad i oss.
La tida framover verte prega av omtanke for medmenneska våre, og deltaking i utviklinga av demokratiet vårt.
Eg vil avslutte med det sterke sitatet som har vorte brukt av mange i ettertid.
– Når ein person kan vise så mykje hat, tenk kor mykje kjærlighet vi alle kan vise.»
Under fellesmarkeringa var kondolanseprotokollen henta frå Rådhuset som tilhøyrarar skreiv si helsing i.
Partia er no klar til valkamp, og det vert stand dei tre siste helgane før valdagen og paneldebatten vert 31. august i Askvoll samfunnshus.