Ordførar Gunn Berit Lunde Aarvik(Ap) var ueinig med Venstres Torstein Gunnarson som ynskte saka utsett, for som ho sa: – Difor ville det vera feigt av meg som ordførar å berre skyva saka fram. Venstre er ueinig i dette, då Soria Moria-erklæringa, som ordførarens eige parti er arkitekt bak, stengjer for ei kvar nyvurdering av verneplanar fram til 2013 ‒ noko ordføraren sjølvsagt veit, men vel nonchalant å oversjå.
Det oppsiktsvekkjande var at arbeidsgruppa skulle sjølv få avgjera sitt mandat. Med tilvising til at det blir det nye kommunestyret som i stor grad vil få med saka å gjera, føreslo Venstre at saka skulle utsetjast til etter kommunevalet. Berre KrF støtta dette, medan våre tidlegare allierte i SV tydelegvis kom på "betre" tankar. I eit sekundært forslag føreslo Venstre m.a. at mandatet for arbeidet skulle vedtakast av KST og at nokre av medlemmene i arbeidsgruppa skulle veljast av det nye kommunestyret. SV og KrF støtta dette. Men Venstre-forslaga fall. Likevel fekk Venstre gehør for at arbeidsgruppa skulle rapportera til kommunestyret.
Det skulle då berre mangla Saka er nok eit eksempel på eit korrumpert og manglande demokratisk sinnelag frå parti som har hatt makta for lenge.