Ingen aprilspøk: Venstre er tilbake i Høyanger

Venstre stiller liste i Høyanger igjen. Sist gang Venstre stilte med liste var 40 år sidan når Venstre hadde ein representant i Høyanger Kommunestyre 1971-1975. Thomas Michael James stiller på toppen av ei Venstreliste på 7 namn. Tom, som han vert kalla, er britisk statsborgar og busett i Lavik sidan hausten 2010. Han har vore medlem av Venstre sidan 2007, og meiner tida er overmoden for liberal politikk i Høyanger. Tom vil fronte fanesaker som; å få fleire kvalifiserte lærarar til kommunen, sikre at utbetring av E39 gjennom kommunen blir prioritert og støtte til nyskaparar og gründerar i kommunen.