Det er heilt naudsynt for at ikkje fylket skal bli hengande etter i folketalsutvikling og næringsutvikling. Det er også naudsynt for miljøinnsparingar i fylket.
Eit lyntog vil frakte gods og passasjerar frå Ålesund til Oslo på 2,5 timar og vil kunne erstatte mykje av fly- og biltrafikken til og frå fylket vårt. Dette vil gi eit raskare samband til Oslo og utlandet, og gi ein betydelig miljøgevinst. I tillegg vil både private og bedrifter spare mykje tid og pengar med eit lyntog.
Møre og Romsdal Venstre krev fortgang i arbeidet med lyntog, og sluttar seg til utgreiingsarbeidet som er utført av Norsk bane/Deutsche Bahn.
Vi krev at Stortinget tar med strekninga Ålesund — Oslo i lyntognettet, som bør vere ferdig utbygd innan 2020.
**OBS! Denne artikkelen ble første gang publisert for 13 år siden.**