Det ser ut som om det er økonomien som styrer føretaka, men det er svært viktig at det meste av pengane blir brukt til å behandle pasientar og ikkje til transport av dei.
Med lengre avstandar til helsetenestene vert kostnadar overførde til private og næringslivet i form av auka reisetid og fleire dagar med fråvær.
– Eg trudde at samhandlingsreforma skulle styrke primærhelsetenesta og ei desentralisert spesialisthelseteneste. I staden ser det ut som helseføretaka med regjeringa si velsigning brukar den til å rasere det helsetilboda vi har, seier Barsnes Krogsæter.
– Eg vonar at parti som sit i posisjon i Sogn og Fjordane og stortingsrepresentantane frå Sogn og Fjordane no brukar kanalane inn mot eiga regjering , i staden for lokalmedia og sosiale media, for å uttrykke si misnøye med det som skjer i Helseforetaka, avsluttar fylkesleiar i Sogn og Fjordane Venstre, Marit Barsnes Krogsæter.
Les artikkel om initiativ frå Borghild Tenden på www.venstre.no Ber om midlertidig stans i nedbygging av lokalsykehus