For dei som er usikker på vegen, vil vi ha oppsamlingsheat frå Elvatun på Vassenden (rett før brua på Vassenden).
På programmet står «etablering» av Indre Sunnfjord Venstre; vi satsar på at saman er vi sterke, og at vi kan lære av kvarandre og hjelpe kvarandre framfor og gjennom kommunevalet 2011. I tillegg kjem fylkesleiar og Venstre sin gruppeleiar på fylkestinget Marit B. Krogsæter. Ho vil snakke om det politiske livet på fylkestinget, og så har vi utfordra henne til å snakke om sykkelvegar og korleis vi skal jobbe for å få fleire km med slike, og få dei til å henge ihop.
Det vert servering av rømmegraut og spekemat, og for å hindre å overbelaste ei slunken lokallagskasse, vil Sommarfesten koste kr 50,- pr pers, inkl både politikk og mat.
Vi vonar at mange ønskjer å ta med litt varme klede og vere med på politisk moro denne sommarkvelden!
For å kunne porsjonere rett, ber vi om at de melder dykk på ved å svare på e-post til Vigdis Tonning seinast 27.06.10.