Alle spørsmåla dei klagar på at dei ikkje har fått svar på, ligg med klare og betryggande svar i saksframlegget på vanleg måte i ansvarleg saksbehandling. Eg var med på befaring i Kveldrosvingen ved førstegangs behandling i planutvalet. Det blei stilt mange spørsmål frå naboane, og det aller siste gløymer eg aldri: “Er det noen som på noe tidspunkt på noe nivå i kommunen har nevnt sosial boligbygging her?”
Svaret mitt der i svingen og i planutvalsmøtet ein times tid etterpå var at “Nei, men det var ein god tanke.”
Å bygge 18 leiligheiter for sal på den åpne marknaden på den gamle gartneritomta ved Kveldrosvingen er eit godt initiativ. Det er god saksbehandling og det blir eit godt resultat, både for dei som etter kvart kan flytte inn i nye flotte leiligheiter og for dei som bur i området frå før. Arendal skal vere befolka av åpne, engasjerte og inkluderande menneske, og det håpar eg også vil vise seg i og ved Kveldrosvingen når dei nye bygga er på plass og folk har flytta inn.
Og så blei utbygginga medtatt med 30 mot 9 stemmer.