Miljøomsyn med tanke på reduserte utslepp, minst mogleg støy og visuell forureining er avgjerande for alle.
Hordaland fylkeskommune har høve til å kombinere desse omsyna med å bygge eit godt framtidsretta logistikk-knutepunkt. Venstre vil vere konstruktive og opne for å debattere den endelege lokaliseringa av ei ny godshamn for vestlandsregionen når FDP leggast fram.
Ved å ta deler av gods inn til Noreg via Vestlandet, vil ein avlaste jernbanen ut av Oslo vestover og utnytte ledig togkapasitet motsatt veg. Venstre seier seg lei for at Sund-alternativet vart lagt vekk utan konsekvensutgreiing.
Det viktigaste for Venstre når det gjeld ei framtidsretta hamn vil vere at:
• det blir tatt omsyn til miljø og forureining og at mest mogleg gods kjem ut av Bergen sentrum.
• det blir ein effektiv terminal av internasjonal standard.
• hamna må ta greie minst 100% auking av gods fram til 2030.
• hamna og godsterminalen lett kan samordna bil-båt; altså knyte seg til eit godt vegnett
• sikre brukarane så låge transportkostnadar som mogleg.
• arbeidet må byrje innan 2015.
• Arealet i Arnadalen må frigjerast