Venstre meinar det er viktig at saker vedtatt av kommunestyret, og planar frå administrasjonen elles, blir offentleggjort for borgarane i kommunen. Folkestyret krev god og open informasjon.
Venstre gjekk til val på at me skulle jobbe for at borgarane skulle ha godt innsyn i kommunal forvalting.
Venstres representant Anne J. Ryum Møen kom difor med med slikt tilleggsframlegg:
«For å vise effekten av tiltaka skal kommunen offentleggjera den årlege miljørapporten, inklusiv ei
samla oversyn i årsmeldinga.»
Framlegget blei samrøystes vedteke.
Vedtaket kommunestyret tok stilling til var delt inn i tre punkter + Venstres tilleggspunkt:
1. Voss kommune viser til initiativ frå Hordaland fylkeskommune og gjer vedtak om at Voss
kommune skal vera miljøfyrtårnkommune.
2. Voss kommune skal arbeide for å sertifisere eigen organisasjon med siktemål om at alle einingar
skal vera sertifiserte innan 2013.
3. Voss kommune skal ha / opparbeide nødvendig kapasitet til å kunne sertifisere private bedrifter i
kommunen som ynskjer dette.
4. For å vise effekten av tiltaka skal kommunen offentleggjera den årlege miljørapporten, inklusiv ei
samla oversyn i årsmeldinga.»
«Dette er eit av fleire viktige tiltak for å gjere Voss til ein moderne miljøkommune,» seier Knut Olav Nestås, leiar av Voss Venstre. «Utfordringa vår er å leggje om til eit meir miljøvenleg lokalsamfunn. Med denne planen syner Voss at me tek dette på alvor, men me har framleis mykje å ta tak i, og Venstre har i alle fall mykje ugjort,» avsluttar Knut Olav Nestås.