Sidan Portugal i 2001 gjekk inn for at erverv, bruk og oppbevaring av brukardosar ikkje skal vere straffbart, har bruken av dei aller fleste narkotiske stoff gått ned — ikkje minst blant ungdom. I tillegg har talet på HIV-smitta og overdosedødsfall vorte kraftig redusert, og ein ser at langt fleire narkotikaavhengige oppsøkjer helsehjelp. At narkotikaavhengigeheit ikkje skal vere straffbart vart tilrådd av den norske straffelovkommisjonen allereie i 2002, og Sogn og Fjordane Venstre meiner at Noreg no bør følgje dette opp gjennom å ta i bruk Portugal-modellen. Med denne tilnærminga vil ein framleis kunne gje ut administrative bøter, og brukarar kan påleggjast å oppsøke behandling. Det avgjerande er likevel at den narkotikaavhengige vert møtt med helsehjelp — ikkje straff.
Sogn og Fjordane Venstre sin kontaktperson:
Fylkesstyremedlem Sveinung Rotevatn, tlf 95 14 64 87