Forslag:
4.3 Organisasjonsoppbygging ut frå vedtektene
Årsmøte
Fylkesårsmøtet er høgste organet i Agder Venstre. Innan utgangen av februar kvart år med utsendingar frå lokallaga ut frå reglane i vedtektene.
Styret
Fylkesstyret har fem medlemer, med leiar, nestleiar og tre styremedlemer, alle valt for to år. I 2010 blir leiar og to medlemer valt for eitt år, så vi kjem i ei rytme der halvparten av fylkesstyret står på val ved kvart fylkesårsmøte. Gruppeleiarane i fylkestingsgruppene møter i styret utan stemmerett.
I tillegg kjem ein fylkesstyremedlem med fulle rettar oppnemnt av Venstrekvinnelaget, og ein frå Unge Venstre. Venstrekvinnelaget har varamedlem, og Unge Venstre/Liberale studenter avtalar seg i mellom om Liberale studentar skal ha varamedlemsplass for Unge Venstre eller om Unge Venstre har både medlem og varamedlem.
Leiar og nestleiar er arbeidsutval som ved behov har oftare møte enn resten av fylkesstyret.
VO-utval
Mønstervedtektene nemner opplæringsutval. Opplæringsutval med minimum tre medlemer og to varamedlemer, der også sideorganisasjonane blir inviterte til å utnemne ein medlem kvar.
Mål:
A.Venstreskolar, både planlegging og gjennomføring, pluss nyrekruttering av instruktørar ved behov (saman med VHO), arbeide systematisk for å gi alle medlemer tilbod om Venstreskolen trinn 1 ofte og desentralisert og trinn 2 så ofte som mogleg.
B.Det vanlege studiearbeidet i fylkeslaget og lokallaga. Organisering, finansiering og rapportering.
Vi finner også arbeidsdeling mellom opplæringsutvalet og fylkessekretæren om lokalpolitisk nettverk.
Arbeidsoppgåver: Foreslå for styret opplæringstiltak kvart år, gjennomføre vedtatte tiltak, få eige budsjett etter søknad, rapportere til styret og fylkesårsmøtet.
Fylkesråd
Mål: Kontakt med lokallaga gjennom året.
Fylkesråd der alle lokallagsleiarar er medlemer med to møte i året, det eine i samband med fylkesårsmøtet, det andre i september/oktober.
Valnemnd
Fylkesårsmøtet vel ei valnemnd med fem medlemer pluss varamedlemer med ansvar for å foreslå styre, opplæringsutval, programnemnd (annakvart år) og separate nominasjonsnemnder (annakvart år) for kvart fylke.
Nominasjonsnemnder
Kvart fylke må ha sine eigne nominasjonsnemnder, som har sjølvstendig ansvar for å leie listearbeidet i fylkestingsval og stortingsval innanfor dei gjeldande valkretsane. Nominasjonsnemndene blir valte på fylkesårsmøta med partal, og nominasjonsmøta på fylkesplan skal vere gjennomført innan utgangen av november året før valåret (Altså innan utgangen av november 2010 for fylkestingsvalet 2011, og innan utgangen av november 2012 for stortingsvalet 2013).
Programnemnd
Programnemnd skal veljast samtidig med nominasjonsnemnder og ha arbeidsperiode frå umiddelbart etter fylkesårsmøte i partalsår til programvedtak i fylkesårsmøte i oddetalsår. Programnemnda har fem medlemer pluss medlemer frå sideorganisasjonane.
Andre nemnder
I tillegg kan det opprettast andre organ etter behov og fastsette avgrensa oppgåver, som valkamputval osb.
Økonomifunksjon
Det nye styret knyttar til seg rekneskapsførar.
Landsstyrerepresentasjon
Ein styremedlem frå kvart fylke representerer Agder Venstre i landsstyret, og det er leiar og nestleiar i styret som er representantar. Styret peikar sjølv ut varamedlemer til landsstyret.
Venstres hovedorganisasjon
Venstres hovedorganisasjon ved generalsekretær har opplyst at deltaking på landsmøte, rikspolitiske nettverk, landsstyremøte (sjå over) vil bli som før. Agder venstre stiller med samla delegasjon på landsmøta i Venstre, men valt ut frå stemmetal og medlemstal i kvart fylke.
Forslag til vedtak:
Organisasjonsoppbygging følgjer av dei vedtatte vedtektene og blir tatt til orientering.