Noreg er eit av verdas mest sentraliserte land, og utviklinga går i retning av at stadig fleire politiske oppgåver som barnehage, skule, helse og kultur vert avgjort i Oslo framfor i den einskilde kommune. Er det ein ting som sameiner ytste venstrefløy og ytste høgrefløy i norsk politikk så er det mistrua til det lokale sjølvstyret.
Eit viktig ledd i å snu denne utviklinga er å flytte så mange oppgåver som mogleg frå stat til kommune. Dette vil imidlartid krevje endring av dagens 45 år gamle kommunestruktur. Fleire av oppgåvene som i dag vert løyst av staten krev kompetansearbeidskraft som mange av dagens småkommunar vil ha problem med å tiltrekke seg, eller få nok av. Dette er ikkje teori, slik Toppe påstår, men realitet.
![Flø, Ulstein kommune Flø, Ulstein kommune](https://www.venstre.no/img/photos/web/20439_half.jpg)
29.mars i år gjekk barneombod Reidar Hjerman ut i Bergens Tidende med følgjande problemstilling knytt til barnevern og kommunestruktur: "Halvparten av landets kommunar har under fem tusen innbyggjarar, og i mange av desse er det berre ein stilling eller mindre i barnevernstenesta. Ofte er det så små og gjennomsiktige tilhøve at terskelen blir veldig høg før born som er utsett for omsorgssvikt får den hjelpa dei treng".
![Lars Sponheim om velferd Lars Sponheim om velferd](https://www.venstre.no/img/photos/web/20440_half.jpg)
Om Toppe vil ignorere barneombodets bekymring frå stå på hennar rekning, men i Venstre tek vi Hjermans ord på alvor. Det er ikkje nok for ein liten kommune å berre bli tildelt fleire oppgåver, dei må og gjerast i stand til å løyse oppgåvene til beste for innbyggjarane sine. Derfor er det vi Venstre går til val på ein velferds- og demokratireform, og ikkje ein halvvegs samhandlingsreform. Betre velferd krev sterkare kommunar.
![Lars-Henrik Paarup Michelsen Lars-Henrik Paarup Michelsen](https://www.venstre.no/img/photos/web/20441_half.jpg)
Lars-Henrik Paarup Michelsen,
Hordaland Venstres 2. kandidat