Ved voteringa hadde det ingen verdi at 5 av 6 medlemmer i teknisk komite før hadde gått inn for alternativet med kulvert.
Giske Venstre vil fortsetje å arbeide for ei framtidsretta vegløysing på Vigra, og i resten av kommunen. Lokalpolitikarane er valde av folket, og skal vere folket si røyst, samstundes som ein har eit samfunnsperspektiv. Vi meiner ikkje at å gå for ei kulvertløysing ville gjere at dette vart motsetningar.
—Ja, vi har eit ansvar for flyplassen, men vi har først og fremst eit ansvar for Giske kommune. Vigra er den øya med størst utviklingspotensiale, kommunen er attraktiv og mange kan tenkje seg å flytte hit. Eg trur stenging av Sørestrandvegen samstundes stenger for utviklinga på Vigra, uttalte Britt Giske Andersen (V) til lokalavisa Øy-Blikk.