Balestrand Venstre har fylt 125 år

Vi gratulerer Balestrand Venstre med overstått 125 års dag! Berre 6 – 7 veker etter at Venstre vart skipa, samla det seg den 13. mars i 1884 ein del innbyggarar som stifta Balestrand Venstre eller “Balestrand venstreforening” som laget vart kalla den gongen. Venstre er det eldste partiet i landet, og at Balestrand var såpass raskt ute med å stifte lokalparti gjer til at Balestrand Venstre sannsynlegvis er det eldste politiske partiet i fylket.

**OBS! Denne artikkelen ble første gang publisert for 15 år siden.**

Publisert av Sogn og Fjordane Venstre

Balestrand Venstre 125 år

Balestrand Venstre 125 år
Foto: Venstre

Leiar i Balestrand Venstre, Råmund Nyhammer sende ut etterlysning om det var lokallag i Sogn og Fjordane som vart stifta før dei, men ingen har meldt seg som eldre enn Balestrand Venstre.

Respekten for einskildmenneske og ansvaret for fellesskapen er sjølve grunntanken til Venstre. Ser ein på “Love for Balestrand venstreforening”, vedtekne på skipingsmøte i 1884, ser ein at dette synet var viktig også den gongen. “Balestrand venstreforening har sat sig som mål på forfatningens grund at støtte den frisindede politik og at fremme politisk og anden oplysning”, står det i §1.

Les meir om 125 åringen på Balestrand Venstre sine heimesider.

Er lokallaget ditt eldre enn Balestrand? Meld inn til leiar i Balestrand Venstre, Råmund Nyhammer eller fylkessekretær Linda Ness Rotihaug.

**OBS! Denne artikkelen ble første gang publisert for 15 år siden.**