Eid Venstre inviterte breiddt ut til samlinga kvalitet i skulen: Frå ord til handling. Vel 40 møtte fram og det var ei vellukka samling. Odd Einar engasjerte på sin gode måte og det var gode debattar.
Odd Einar snakka mellom anna om Oslo-skulen som har jobba godt og systematisk med kvaliteten i skulen, og utfordra politikarane i Eid til å bruke tid på drøfte kva som er poenget med skulen, og kva ein vil med den. — Det er heilt normalt at skulens eigar fører normale debattar om kva ein vil med skulen. Ikkje minst er det viktig at vi har gode læringsmiljø og skuleleiarar som er tydelege, gode leiarar med god leiarkompetanse. Sats på skulen. Sats på skuleleiaren. Sats på å ta tilbake debatten om innhald og kvalitet i skulen, sa Odd Einar Dørum.