Ordførar Olaug Grønset Granli hadde teke på alvor interpellasjonen frå Venstre om at kulturen skulle koma til syne, også i kommunepolitikken. I svaret på interpellasjonen mot slutten av møtet svara ordføraren at ho var svært positiv til innspelet frå venstre.
-I vår kvardag med fokus på utvikling i si heilheit, og med fokus på økonomi, so er det viktig å oppleva at det også er eit yrande kulturliv i Gol, sa ho i svaret sitt.
Ordføraren opplyste vidare at ho hadde vore i kontakt med kulturskulen v/rektor, og fått svært gode tilbakemeldingar på denne ideen. —Kulturskulen har allereie fått møtedatoane for kommunestyret, og ut frå dette vil det bli lagt opp ein plan, sa Grønset Granli.
Hallvor Lilleslett sa i tilsvaret sit at venstre var svært godt nøgd med det gode svaret. —Her er me allereie i gang, og det er bra, avslutta Lilleslett.