Vi synest det er heilt merkverdig at ein bystyremedlem kan uttale seg så skråsikkert om saker og hendingar som det Gjermund Bjørndahl Røysland gjer. Og når ei sak i tillegg har vore gjennom rettsapparatet, bør vi ha tillit til dei vurderingane som er gjort både av politi og rettsapparat.
Politiet kan ikkje forsvare seg i enkeltsaker. Politiet har teieplikt og kan ikkje gå inn i detaljdebattar. Det er ingen grunn til å så mistillit om kvaliteten i det arbeidet som blir gjort av politiet i Arendal. Tvert om er det god grunn til å rose vårt lokale politi for å gjere eit godt arbeid.
Før Bjørndahl Røyslands innlegg kom i avisene hadde Arendal Venstre foreslått at politiet skal inviterast til å orientere alle bystyremedlemene 17. januar om arbeidet sitt for å gjeer Arendal til ein tryggare by. Vi trur det kan vere klokt å lytte til det politiet har å seie.
Jan Kløvstad
leiar i Arendal Venstre