Fleirbrukshall

Leikanger Venstre kravde saman med SV og Krf lovlegheitskontroll av kommunestyret sine vedtak om økonomiplan og fleirbrukshall. Fleirtalet (AP, H og SP) vil ha hallen i Lerum-bygget i sentrum, mens Venstre og SV meiner hallen skal liggje ved barneskulen og idrettsanlegga. Først no har vi fått prislappen for Lerum-alternativet på bordet. Ved å velje det beste alternativet for skulen og elevane får vi også på plass den lenge etterlengta kunstgrasbana og 10 mill til drift og andre investeringsføremål som opprusting av barneskulen, ungdomsskulen og barnehagane. Samtidig bidreg vi til sentrumsutvikling gjennom tilskot på 5 mill til næringsutvikling i Lerum-bygget.