Riksveg 7 er svært belasta med tung- trafikk. Vegen har eit enormt behov for opprusting og vedlikehald. Den store mengda tungtrafikk er både eit trafikktryggleiksspørsmål og miljøspørsmål. Ein god del av tungtrafikken er transport til/frå Sogn. Denne trafikken går over Hemsedalsfjellet på RV 52 før han kjem inn på RV 7.
– Venstre ønskjer no å leggje til rette for at omlasting frå veg til bane, slik at meir av tungtrafikken frå Sogn kan gå i containertog frå Hallingdal til Oslo. Det same gjeld godstransport til/frå Hallingdal, seier Runolv Stegane.
Han peikar på at det lagt til rette med opplastingsareal og jernbanespor for opplasting av tømmer til jernbane i Nesbyen.
– Bergensbanen har i dag omtrent sprengt kapasitet med godstogfrakt av containarar. Ein omlastingsterminal på Nesbyen vil leggje større press på staten for å byggje fleire og lengre kryssingsspor langs Bergensbanen, hevdar Stegane.
Venstre meiner at fylkeskommunen saman med staten må stille opp med midlar til å leggje planar for ei utvikling av stasjonsområdet i Nesbyen slik at dette området slik kan bli ein effektiv omlastingsterminal for all type gods og containertransport.
Denne meldinga har fått oppslag i Hallingdølen i dag.