Vi har gode barnehagar og grunnskular i Voss — heldigvis! For dei verdiar, haldningar, ferdigheter, kunnskap og kompetanse barna/elevane får her er grunnleggjande for demokrati, kultur og verdiskaping i Noreg.
Mange tilhøve er viktige for at barnehagen skal kunna bidra til trygge, nysgjerrige, kreative og aktive barn, og for at opplæringa i skulen skal gi god kunnskap og kompetanse, tilpassa den einskilde eleven sine evner og behov.
Avgjerande for kvaliteten er at barn og elevar har nok, og høgt kompetente, vaksne i læresituasjonen!
Venstre ser det derfor som ei hovudoppgåve for kommunen å syta for god og tilstrekkeleg lærarbemanning/lærarbekvinning. Og lærarane må vera dyktige, noko som m.a. krev regelmessig etter- og vidareutdanning! Eit framlegg frå Venstre i Stortinget om å leggja til rette for lønna permisjon for lærarane etter eit visst tal år for å ajourføra og auka kompetansen sin, fekk ikkje fleirtal. Men Voss Venstre ønskjer å få ei ordning med "kompetanseår" utgreidd for Voss.
Elles treng mange barnehagar og skular ei opprusting! Både bygningar, utemiljø, inventar og læremiddel treng forbetrast mange stader.
Event. nedlegging av grunnskular i Voss blir nok dessverre også eit spørsmål i komande valperiode. Sjølvsagt skal ein sjå på korleis ein får best mogeleg kvalitet i høve til pengebruk. Men Voss Venstre vil leggja svært stor vekt på å sjå skulestrukturen i samanheng med busetnadsmønster og ønskjeleg framtidsutvikling for bygda.
Aktiv foreldre- og lokalpolitisk oppfølging av barnehage og skule er viktig. Kommunestyret må — med regelmessige mellomrom – ta seg tid til ei brei drøfting av oppvekstmiljø og skule. Kommunen bør også engasjera seg for å sikra eit breitt tilbod i vidaregåande skular.
Venstre vil arbeida aktivt for ein førsteklasses skule i Voss!