Søknaden er på kr 500.000 for 2008,og det vil Venstre gi. Venstre vil også ha ein konstruktiv gjennomgang av kva festivalane betyr for Arendal og regionen. Vi treng nasjonale fyrtårn som Hove-festivalen som mkanskje kan bety noe også internasjonalt, vi treng ei utvikling av Canal Street i retning av å bli ein av dei tre-fire fremste jazzfestivalane saman med Molde, Kongsberg og VossaJazz, eventuelt kan Canal Street bli enda viktigare enn Vossajazz på få år.
Den internasjonale barnekulturuka og Internasjonalt marked betyr mykje regionalt, og kan nok også utviklast vidare. Den nye festivalen for folk over 60 viser veldig lovande takter, og bør også med i vurderingane. I tillegg kjem korfestival, skjærgårdstreff, Kjæmpestaden og forsøka på Skagerrak teaterfestival. Alt dette bør vi sjå i samanhang, sjå kven som har vilje og evne til å satse internasjonalt/nasjonalt, kven som har regionale ambisjonar og kven som vil halde seg på det lokale.
Vi ser at festivalane er til forskjellig tid, med Griegfestivalen viktig midt på mørke vinteren og eldrefestivalen i det gryande haustmørkret. Barnekulturuka er før sommarferien er igang.
På samme måte som Arendal kommune har laga gjennomgang av kulturlokaler og idretstanlegg, bør vi samarbeide med Agderforsking og festivalane, og sjå grundig på korleis eit samspel mellom kulturlivet, næringslivet og kommunen kan oppfylle samfunnsbyggarprosjektets målsettingar om “høg puls året rundt”, meiner Arendal Venstre